How to download Aadhaar on WhatsApp: దేశంలోని కోట్లాది మంది పౌరులకు ఆధార్ కార్డు ఒక అత్యంత ముఖ్యమైన గుర్తింపు పత్రం. ఈ కార్డు లేకుండా బ్యాంకింగ్ నుండి ప్రభుత్వ సేవలు వరకు ఏ పనీ జరగదు. అలాంటి ఆధార్ కార్డును ఇకపై వాట్సాప్లోనే సులభంగా డౌన్లోడ్ చేసుకోవచ్చని ప్రభుత్వం ప్రకటించింది.
ఈ సేవ MyGov హెల్ప్డెస్క్ చాట్బాట్ ద్వారా అందుబాటులోకి వచ్చింది. ఇది DigiLocker తో లింక్ అయి పని చేస్తుంది. ఇప్పటి వరకు UIDAI పోర్టల్ లేదా DigiLocker యాప్ ద్వారా మాత్రమే ఆధార్ డౌన్లోడ్ చేసుకోవాలని ఉండేది. కానీ ఇప్పుడు వాట్సాప్ కూడా ఒక సురక్షిత మార్గంగా మారింది.
ఆధార్ డౌన్లోడ్ చేయడానికి అవసరమైన అర్హతలు
వాట్సాప్లో ఆధార్ కార్డు డౌన్లోడ్ చేసుకోవాలంటే కొన్ని షరతులు ఉన్నాయి:
- మీ మొబైల్ నంబర్ ఆధార్తో లింక్ అయి ఉండాలి
- యాక్టివ్ DigiLocker అకౌంట్ ఉండాలి
- ఆధార్ కార్డు DigiLocker లో అప్లోడ్ అయి ఉండాలి
- MyGov హెల్ప్డెస్క్ నంబర్ (+91-9013151515) మీ కాంటాక్ట్స్లో సేవ్ చేయాలి
స్టెప్ బై స్టెప్ ప్రాసెస్
స్టెప్ 1: MyGov హెల్ప్డెస్క్ నంబర్ +91-9013151515 ని మీ ఫోన్లో సేవ్ చేయండి.
స్టెప్ 2: వాట్సాప్ ఓపెన్ చేసి “హాయ్” లేదా “నమస్తే” అని మెసేజ్ పంపండి.
స్టెప్ 3: చాట్బాట్ ఇచ్చే ఆప్షన్స్లో “DigiLocker Services” ని ఎంచుకోండి.
స్టెప్ 4: మీ DigiLocker అకౌంట్ను కన్ఫర్మ్ చేసి, 12-అంకెల ఆధార్ నంబర్ ఎంటర్ చేయండి.
స్టెప్ 5: మీ రిజిస్టర్డ్ మొబైల్కు వచ్చిన OTP ని ఎంటర్ చేయండి.
స్టెప్ 6: వెరిఫికేషన్ తర్వాత, అవైలబుల్ డాక్యుమెంట్స్ లిస్ట్లో “ఆధార్” ని సెలెక్ట్ చేయండి.
స్టెప్ 7: మీ ఆధార్ కార్డు PDF ఫార్మాట్లో వాట్సాప్లోనే వస్తుంది.
ముఖ్యమైన విషయాలు
ఈ సేవ పూర్తిగా సురక్షితమైనది. UIDAI చే డిజిటల్గా సైన్ చేయబడిన, పాస్వర్డ్ ప్రొటెక్టెడ్ PDF లభిస్తుంది. ఇది ప్రింట్ చేసిన ఆధార్ కార్డు వలెనే చట్టపరమైన చెల్లుబాటు కలిగి ఉంటుంది.
ఒకేసారి ఒక డాక్యుమెంట్ మాత్రమే డౌన్లోడ్ చేయవచ్చు. మీ ఆధార్ కార్డు DigiLocker లో లింక్ అయి లేకపోతే, ముందుగా DigiLocker వెబ్సైట్ లేదా యాప్ ద్వారా లింక్ చేసుకోవాలి.
ఈ సేవ 24×7 అందుబాటులో ఉంటుంది. ఇకపై UIDAI వెబ్సైట్కు వెళ్లడం, CAPTCHA పూరించడం లేదా పలు యాప్స్ వాడడం అవసరం లేదు. వాట్సాప్ ఉపయోగించే కోట్లాది మంది భారతీయులకు ఇది చాలా సౌకర్యవంతమైన మార్గంగా మారుతుంది.
Digital India మిషన్ కింద వచ్చిన ఈ కొత్త సేవ ప్రభుత్వ సేవలను మరింత సులభతరం చేస్తుంది. ప్రజలు తమ అతి ముఖ్యమైన గుర్తింపు పత్రాన్ని ఎల్లప్పుడూ తమ జేబులోనే ఉంచుకోవచ్చు.
